مدحة نعم العنا - للشيخ ابراهيم ( الراوي) ود الشيخ حامد ابن عطاءالله

بسم الله الرحمن الرحيم
مدحة نعم العنا - للشيخ ابراهيم ( الراوي) ود الشيخ حامد ابن عطاءالله

نعم العنا قام ليك شرد يا ام قله دوب نيتي اقوم جوفي انهرد
** **
حس العبيد في الليل ما غمض جوف الدجى صاح واترعد
رمي بسهم وسط النهد ارسل الي حكم البلد
** **
اصبح عليل مرضان مرض جاني الطبيب فوقي قعد
فتش الستار قال يا ولد إت عشوق ما بيك مرض
** **
حب الرسول للجوف هرد مقصودي ليك اجداد وعد
يوم السبت او بالاحد نتلاقى في قطر ُأم سعد
** **
بلغ المنى فيما قصد طاف البقيع كمبل عرض
نظر ام شبك بعينه جد زار الرسول همه برد
** **
من بعدها شقلب قصد فوق الرسول ابيات وجد
كونو الدخير المعتمد به الحجج هو السند
** **
من قام صغير نافي الحقد يمزح مع الجيل ما اترعد
حاش الرسول ما قالوا رد من بيتوعشيما ابد
** **
قمر السبوع ضو البلد اصل الاصول صادق الوعد
حاش الرسول قط ما جحد بعد الهجيع والليل برد
** **
زاد الغرام جوفي انهرد كالمرضعه الفاقده الولد
ود حامد الخايس فسد ما قام سريع جافى البلد
مسك السكك زار الرسول همه برد
** **
الصلاه والسلام بلا عدد ليك يا الرسول زينة البلد
ما قام سحاب دودا ورعد الصافي والفيه البرد